Dy policë në burgun e Ternit mbetën të plagosur, njëri prej të cilëve me goditje në kokë, si pasojë e një konflikti ku u përfshinë një shqiptar dhe dy afrikano-veriorë.
Mediat italiane raportojnë se konflikti ka ndodhur mëngjesin e së dielës, ndërsa policët e plagosur tentuan të ndalin sherrin në atë që njihet si seksioni i sigurisë së mesme në Burgun e Ternit.
Sindikata e pavarur e Policisë së Burgjeve (SAPE) njoftoi se qysh të premten një prej të burgosurve të përfshirë në përleshje, qëndronte para portës që i jepte akses në infermieri, duke kërkuar terapi.
Burri, i armatosur me brisk, dyshohet se kërcënoi se do të dëmtonte veten ose këdo që përpiqej t’i afrohej.
“Këto janë buletinet e vërteta të luftës – shpjegon Sappe – me policët që vuajnë dhunën nga të burgosurit që tani janë jashtë kontrollit dhe që, ndër të tjera, mbeten të pandëshkuar”, thuhet në reagimin e SAPE.
Discussion about this post