Një tjetër ngjarje e rënë ka ndodhur këtë mëngjes në Greqi, pasi një 70-vjeçar ka qëlluar me armë zjarri për vdekje djalin e tij 43-vjeçar. Tragjedia ka ndodhur në zonën e Ryzia Kilkis, ku sipas informacioneve të policisë helene, babai 70-vjeçar ka qëlluar me karabinë dhe ka plagosur për vdekje djalin e tij 43-vjeçar.
Menjëherë pas ngjarjes, autori është vënë nën pranga dhe është dërguar në komisariatin e policisë ku është marrë në pyetje në lidhje me ngjarjen e rëndë, ndërkohë viktima mësohet se ka ndërruar jetë menjëherë në vendin e ngjarjes dhe është dërguar në morgun e spitalit, ku po i kryhet autopsia.
Sipas informacioneve të para rezulton se shkak i ngjarjes së rëndë është bërë një sherr mes tyre dhe mosmarrëveshjet e shumta familjare që kanë pasur kohët e fundit. Kjo është ngjarja e dytë e rënë në Greqi brenda pak orëve, pasi pak më herët u raportua se dy fëmijë janë djegur brenda shtëpisë së tyre.
Discussion about this post