Reshjet intensive të borës që kanë pushtuar qytetin juglindor të Korçës prej disa ditësh, kanë bërë që shumë fshatra të kenë probleme me furnizimin e energjisë elektrike.
Në kushte të vështira atmosferike, elektricistët e OSSH-së po punojnë prej ditësh për të rikthyer në punë linjat e dëmtuara në zonat Velçan, Strelcë, Moglicë, Lozhan, Senisht dhe Tresovë.
Përveç dëmeve në linjat TM të OSSH, si pasojë e motit të keq, një tjetër faktor negativ, që ka shkaktuar vonesë në rikthimin e energjisë elektrike, kanë qenë defektet në linjat 35kV të HEC Nica dhe Gjoka (Shalës).
Lidhur me problematikat e shkaktuara nga moti i ditëve të fundit, ka folur edhe prefekti i qarkut të Korçës, Dhori Spirollari, i cili cilësoi faktin se situata është e qëndrueshme dhe po punohet për rikthimin e energjisë elektrike.
Discussion about this post