Policia e Tiranës ka reaguar lidhur me një deklaratë të Oborrit Mbretëror, që akuzon organet ligjzbatuese për publikimin e pamjeve të dhunës mes Princ Lekës dhe Elia Zaharias.
Në reagimin e saj, Policia duket se e hedh përgjegjësinë te Prokuroria e Tiranës, ndërsa shprehet se kjo video nuk ka dalë nga strukturat e këtij institucioni.
“Në lidhje me një reagim të bërë nga Oborri Mbretëror, ditën e sotme, ju informojmë se: Nga ana jonë në lidhje me rastin janë kryer të gjitha veprimet e nevojshme procedurale, janë sekuestruar pamjet filmike, të cilat i janë përcjellë Prokurorisë pranë Gjykatës së Shkallës së Parë të Juridiksionit të Përgjithshëm Tiranë. Po kështu deklarojmë që kjo video nuk ka dalë nga strukturat e Policisë”, thuhet në deklaratë.
Discussion about this post