Një arsenal armësh është zbuluar pasditen e sotme në Babicë të Vlorës, ndërsa është arrestuar një person.
Policia ka gjetur kallashnikovë, pistoleta, mina me telekomande dhe snajper, si dhe municione për armët luftarake. Armët u zbuluan të fshehura në një banesë, ndërsa vijojnë hetimet. Nga raportimet mësohet se janë sekuestruar edhe dylbi dhe silenciatorë.
Gjithashtu raportohet se janë gjetur targa dhe automjete të vjedhura, që janë sekuestruar. Po kështu janë gjetur dhe sekuestruar edhe veshje për kamuflim.
Pritet që armët ti nënshtrohen analizave për të parë nëse janë përdorur ose jo në ngjarje kriminale.
Discussion about this post