Policia e Shtetit zbuloi një bazë armatimesh në Babicë të Vlorës, ku u zbuluan nga minat me telekomandë te snajperi, si dhe lloje të ndryshme armësh e municionesh.
Në kuadër të këtij operacioni, u arrestua shtetasi Luçiano alias Albano Derraj.
Policia e Vlorës sqaroi se Deraj ruante bazën e armatimit dhe se dyshohet se është anëtar i një grupi kriminal.
Ka dyshime se armatimet mund të jenë përdorur për 2 ngjarje kriminale të ndodhura kohë më parë në qytetin e Vlorës. Deraj rezulton të jetë arrestuar edhe në Itali në tetor 2014 me arme dhe 34 kg marijuanë.
Policia gjithashtu gjeti të fshehura në banesën ku u ushtrua kontrolli pistoleta, kallashnikovë, maska, çifte, radiomarrëse, targa të vjedhura shumta, maska silikoni.
Policia ka nisur hetimet nëse këto armë janë përdorur në ngjarje kriminale, teksa priten të mësohen të tjera detaje në vijim.
Discussion about this post