Një nxënës është qëlluar me thikë nga një nxënëse në Gjirokastër. Ngjarja ka ndodhur para pak minutash në lagjen “18 Shtatori” kur nxënësi A.T 15 vjeç ka ngelur i plagosur me thikë nga një 15-vjeçari, nxënës i shkollës 9-vjeçare “Koto Hoxhi” në Gjirokastër.
Sapo i mituri është qëlluar me mjetin prerës është vënë re nga kalimtare të rastit, të cilët kanë njoftuar policinë dhe është dërguar në spital me makinë të rastit.
Policia menjëherë ka kapur adoleshentin të cilën e ka shoqëruar në ambientet e policisë nga ku do të merret në pyetje në praninë e psikologut.
Grupi hetimor vijon hetimet në lidhje me ngjarjen.
Njoftimi i policisë:
Sot me datë 08.03.2024 rreth orës 08:05 në lagjen “18 shtatori”, gjatë një konflikti të çastit një 15-vjeçar ka goditur me mjet prerës bashkëmoshatarin e tij, i cili ndodhet në spital, në kujdesin e mjekëve.
15-vjeçari është shoqëruar në ambientet e Policisë për veprime të mëtejshme.
Grupi hetimor vazhdon veprimet në vendngjarje për zbardhjen e plotë të rrethanave të ngjarjes.
Discussion about this post