Pas deklaratës për arrestimin e ish-ministrit të LSI, Lefter Koka, kreu i PD, Lulzim Basha komentoi shumë shkurt edhe takimin me ambasadorët në selinë blu.
Basha deklaroi jashtë selisë se takimi kishte në fokus të djeshmen, të sotmen dhe të ardhmen, duke lënë kështu të nënkuptuar që temë e diskutimit ka qenë edhe lëvizja e ish-kryeministrit Sali Berisha.
“Takimi i sotëm ishte për të djeshmen, për të sotmen dhe për të ardhmen”, tha Basha.
Ditën e sotme, gjashtë ambasadorë të akredituar në Shqipëri zhvilluan një mbledhje me kreun e Partisë Demokratike, Lulzim Basha pasi Berisha hyri në seli për herë të parë pas përjashtimit nga grupi parlamentar i PD. Ambasadorja Yui Kim, ambasadori i Bashkimit Evropian, Luigi Soreca, ai i Gjermanisë, Peter Zingraf, i Britanisë së Madhe, Alastair King-Smith, ajo franceze Elisabeth Barsacq dhe ambasadori italian Fabbrizzio Bucci, ishin të pranishëm në këtë takim.
Discussion about this post