Vritet në Gjermani boksieri shqiptar (Emri+Detajet)

Boksieri shqiptar Besar Nimani, është vrarë këtë mbrëmje në Bielefeld të Gjermanisë.

Sipas raportimeve, një grup prej pesë deri në gjashtë personash ishin ulur në një restorant dhe më të gjithë janë larguar së bashku nga aty. Papritmas pati të shtëna jashtë, ku thuhet se u dëgjuan gjashtë deri në tetë të shtëna.

Si pasojë, ka mbetur i vdekur 39-vjeçari, Besar Nimani.

Ndaj mitrovicasit thuhet se kishte pasur sulm edhe në vitin 2013.

Media gjermane “Bild” bëri të ditur se policia dhe ekipet e shpëtimit shkuan në vendngjarje, por mjekët e urgjencës nuk mundën të bënin asgjë, pasi Nimani ndërroi jetë nga plagët e marra në vendngjarje.

Autori ose autorët e panjohur janë në arrati.