Një gazetare është dhunuar ditën e sotme nga dy shtetas, të cilët e kanë penguar që të ushtrojë detyrën e saj. Mësohet se bëhet fjalë për gazetaren me iniciale B.D, 24 vjeç, e cila po filmonte një objekt ku dy shtetasit të cilët kanë ushtruar dhunë ndaj saj raportohet se kishin një konflikt pronësie me një person të tretë. Dy personat që kanë penguar në ushtrimin e detyrës si gazetare të 24-vjeçares janë me iniciale T. N., dhe A. Z.
Ngjarja sipas njoftimit të policisë ka ndodhur në rrugën “Hoxha Tahsim”, ndërsa dy të akuzuarit janë proceduar penalisht.
‘Specialistët për Hetimin e Krimeve në Komisariatin e Policisë Nr. 1 proceduan penalisht shtetasit T. N., 62 vjeç dhe A. Z., 50 vjeç, pasi, kanë goditur dhe kanë penguar për ushtrimin e detyrës, shtetasen B. D., 24 vjeçe, me detyrë gazetare, e cila kishte shkuar për të filmuar në një objekt ku shtetasi T. N., dhe A. Z., kishin një konflikt pronësie me një person tjetër.’- njofton policia.
Discussion about this post