Festat e Fundvitit po afrojnë dhe natyrisht që edhe Paulo Dybala ka disa dëshira që do t’i plotësohen. Numri 10 i Juventusit e kaloi pasditen duke iu përgjigjur pyetjeve të tifozëve të rinj të Juventusit, “Junior Members”, dhe është pyetur se çfarë do të dëshironte të kërkonte nga Santa Claus.
“Lista është gjithmonë e gjatë, kaq shumë gjëra mund të kërkohen, disa më afër, të tjera më larg. Në futboll do t’i kërkoja Santa Claus të më lejonte të fitoja. Liga e Kampionëve me fanellën e Juventusit do të ishte dhurata më e mirë për të gjithë. Do të doja të fitoja edhe Kupën e Botës me Argjentinën. Tani ia kërkojmë dhe nëse i sjell do të jemi të lumtur”, tha Dybala duke buzëqeshur.
Argjentinasi tregoi gjithashtu emocionet kur veshi për herë të parë fanellën e Juventusit:
“Hera e parë mendoj se ishte në Shangai në finale. Aty më bënë të kuptoj se çfarë do të thotë të veshësh këtë fanellë. Për fat më ndihmuan. shokët e tyre të skuadrës, profesionistë të mëdhenj. Nuk është e lehtë të veshësh fanellën e Juventusit: ka gjithmonë shumë presion dhe një përzierje emocionesh”, tregoi sulmuesi.
Discussion about this post