Një argjendari në Tiranë është vjedhur gjatë natës. Argjendaria quhet Gold&Gold, ku sipas burimeve autori ka marrë sende me vlerë, të cilat kapin shumën rreth 10 milionë lekë.
Sipas policisë, është vetëm një autor qe ka marr pjesë në vjedhje. Mësohet se hajduti ka mundur të hyjë në argjendari nga pjesa e sipërme e tarracës, ka krijuar një vrimë dhe ka depërtuar brenda.
Agjentët e Komisariatit nr. 4 po punojnë për identifikimin e tij, janë mbledhur pamjet e kamerave të sigurisë dhe po analizohen. Ndërkohë nuk dihen detaje më të hollësishme lidhur me ngjarjen, por blutë po punojnë për kapjen e autorit.
“Më datë 14.03.2024, në Rrugën e Dibrës, gjatë natës, persona ende të paidentifikuar, kanë vjedhur disa aksesorë floriri, në argjendarinë e shtetases S. K. Grupi hetimor po punon për identifikimin dhe kapjen e autorëve të ngjarjes”, raporton policia.
Discussion about this post