Një ngjarje e pazakontë raportohet të ketë ndodhur në qytetin e Librazhdit. Një 53 vjeçar ka dhunuar për arsye ende të paqarta një kamariere brenda ambjenteve të një lokali.
Policia sqaron se ngjarja ka ndodhur pasditen e djeshme ndërsa 53 vjeçari është shpallur në kërkim dhe po punohet për kapjen e tij.
“Specialistët për Hetimin e Krimeve të Komisariatit të Policisë Librazhd referuan materialet në Prokurori dhe po punojnë për kapjen e shtetasit T. V., 53 vjeç, pasi ditën e djeshme, në ambientet e një lokali, ka goditur me grushte kamarieren e këtij lokali, për motive të dobëta”,- thuhet në njoftimin e Policisë.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Elbasan, për veprime të mëtejshme.
Discussion about this post