Gazetari Klodian Tomorri tha në MCN Tv se edhe projekti në ishullin e Sazanit, apo iniciativa u mbyll në tavolinë dhe pa garë, njëlloj si investimi në Portin e Durrësit.
Duke vijuar më tej, Tomorri tha se do duhet të bëhej një konsultë e gjërë publike, ku pikë së pari të shtrohej pyetja: A duhet të ndërtohet në Sazan?
Sigurisht qeveria shqiptare kontrakton investime në mënyrë jotransparente, dhe ne i shohim vetëm kur janë fakte të kryera. Është investim, të paktën në termat që përflitet është goxha i madh dhe shfrytëzon një aset, ishullin e Sazanit, i cili ka shërbyer si zonë ushtarake, nuk është e qartë nëse është në planin e përhapjes së ushtrisë, pjesë e atyre aseteve që cilësohen si të domosdoshme për mbrojtjen e vendit.
Ka pasur plane që ajo zonë të shpallet park kombëtar. Një projekt i këtyre përmasave sigurisht që në fillim do duhej që të bëhej publik, të diskutohej me grupet e interesit dhe procesi të kalonte në një filtër kur të gjendej zgjidhja më e mirë. Por qeveria nuk i bën kështu, nuk i kontrakton kështu investimet, i bën fakt të kryer me marrëveshje tavolinash dhe ia servir pastaj publikut.” – tha Tomorri.
Më tej, Tomorri tha se ekziston dhe një rrezik tjetër, ai i përdorimit të këtij investimi nga qeveria shqiptare për të blerë kredite politike në Shtëpinë e Bardhë.
“Duke pasur parasysh background e qeverisë shqiptare, një qeveri e cila ka blerë favore përmes lobimeve, përmes kontratave publike, përmes dhënies së aseteve publike, ky është risku tjetër. A do ta përdorë qeveria shqiptare këtë investim për të blerë kredite politike në Shtëpinë e Bardhë nesër? Nëse kjo ndodh, dëmet janë shumë të mëdha sesa përfitimet politike që mund të sjellë projekti.” – tha gazetari.
Discussion about this post