Sa i kushton arkës së bashkisë Shijak korrupsioni në tenderat që firmos Kryetari Elton Arbana? Pasi kemi raportuar se tenderi i riparimit të një rruge në fund të vitit të kaluar kishte risk korrupsioni, sot do t’ua japim konkretisht se sa humb buxheti i shtetit nga shkeljet e bëra gjatë prokurimit.
Bëhet fjalë për një super tender të zhvilluar në fund të dhjetorit 2023. Nën tymin e fishekzjarrëve dhe avujt e alkoolit të festave, kryetari me siguri ka proceduar përmes telefonit ose e-mailit. Ishte gol i madh i kryetarit të Shijakut firmosja e hapjes së garës me objekt “Rehabilitimi i rrugëve në Lagjen Metallaj, Karpen, Bodinok Nj.Ad Maminas” me vlerë 553 milionë lekë.
Gijotina.com solli në vëmendje se tenderi është vlerësuar me “Flamur të kuq”. Kjo është shenja e riskut të korrupsionit. Kështu, kontrata i është bërë gati bashkimit të operatorëve HTM sh.p.k – “VILDEV-CO” sh.p.k. që u shpallën në krye pa konkurrencë. Kryetari i skualifikoi të gjithë pjesëmarrësit dhe la mbi tryezë vetëm zarfin e fituesit.
Gjithashtu theksuam që, nëse do të shqyrtoheshin ofertat e tjera, kursimi i fondit do të ishte minimalisht 150 milionë lekë.
Për shembull, RSM Company ka propozuar ta bëjë këtë punë me rreth 400 milionë lekë. Ky operator u skualifikua me argumente që nuk justifikojnë vendimin. Nuk paska deklaruar targat e mjetit autobitumatric! Po mund t’i plotësonte këto t’i jepej një afat. Të anulohej tenderi dhe kompanitë të rregullonin dokumentet siç i do Arbana, sepse janë 150 milionë lekë më pak.
Por Arban vazhdoi me këmbëngulje e tij dhe sot tenderi ndodhet në KPP. Sepse në datën 19.03.2024 nëpërmjet sistemit të ankesave elektronike pranë Komisionit të Prokurimit Publik, është administruar ankesa e bashkimit të operatorëve ekonomikë “L.T.E Construction” SHPK & “Varaku E” SHPK.
Nëse do të fitohej tenderi nga kompania që po ankohet sërish do të kurseheshin lekë në arkën e bashkisë.
“Kërkojmë të shfuqizohet vendimi i mëparshëm dhe të ndryshohet vlerësimi me pikë pasi BOE LTE dhe Varaku E disponon të gjitha kapacitetet e nevojshme të shprehura në Grafikun dhe Cilësinë e punimeve, gjithashtu edhe si oferta me e mirë në çmim duke kursyer Bashkisë Shijak 2.627.374 lekë pa TVSH, nga buxheti i saj. Kërkojmë vlerësimin mepikë të plota për BOE LTE dhe Varaku E”. Ja pra që mund të kurseheshin 26 milionë lekë me pranimin e kësaj oferte. Por, Arbana e kishte paracaktuar fituesin qysh para Vitit të Ri.
Nga shqyrtimi paraprak i ankesës të sipërcituar, u konstatua se objekti i ankesës lidhet me vendimmarrjen e Komisionit të Vlerësimit të Ofertave mbi vlerësimin me pikë të propozimeve teknike të paraqitura nga bashkimi i operatorëve ekonomikë “L.T.E Construction” SHPK & “Varaku E” SHPK.
Gjithashtu ata pretendojnë se Bashkia Shijak ka bërë anashkalime dhe tolerime për ofertën e fituesi, pasi këta të fundit nuk plotësojnë kriteret.
Ky është një pretendim që mbështet raportimin e bërë nga Gijotina.com se po derdhën shumë para për një rrugicë me gjatësi vetëm 1925 metër linear dhe 4 metra e gjerë. Pra do të jetë një investim i vogël, për një rrugë lagjeje dhe Arbana po hedh aq lekë sa për të bërë një rrugë kryesore.
Ndërkohë qëndron edhe pretendimi që HTM sh.p.k – “VILDEV-CO” sh.p.k e kanë marrë fitoren me mik. Sepse pak ditë më parë ne treguam që “HTM” sh.p.k është në pronësi të Ilir Tabakut, por pronari i saj real është Plator Mehmeti, drejtori i OSSH Durrës.
©️Copyright Gijotina.com
Ky artikull është ekskluziv i Gijotina.com, gëzon të drejtën e autorësisë sipas Ligjit Nr. 35/2016, “Për të drejtat e autorit dhe të drejtat e lidhura me to”. Shkrimi mund të ripublikohet nga mediat e tjera vetëm duke cituar Gijotina.com dhe në fund të vendoset linku i burimit, në të kundërt çdo shkelës do të mbajë përgjegjësi sipas Nenit 178 të Ligjit Nr/ 35/2016
Discussion about this post