“Janë hajdutë-kurbanë të ministrave superhajdutë, të Edi Ramës, Belindës dhe Erion Veliajt” Kështu i ka konsideruar kreu i PD-së, Sali Berisha dy drejtorët e rëndlsishëm në Ministrinë e Infrastrukturës dhe Energjitikës, Evis Berberin dhe Ceno Klosin, njëri në burg dhe tjetri nën hetim.
Gjatë fjalës në protestën e sotme, Berisha tha se kjo është drejtësi me regji dhe këto goditje janë mburojë për ministrat.
Në lidhje me dënimin me tre vite burg të Rei Metas, djali i anëtares së KLP-së, Nurihan Seiti Mete, i cili vrau me grushte ndërtuesin Armando Meshau, tha se kjo është drejtësi e kalbur, pasi ai mori një jetë njeriu në publik.
“Dy ditë më parë, sekseri që vrau duke goditur me grusht në qafë ndërtuesin në Vlorë. Sekseri i mamasë gjykatëse apo prokurorë, sa u dënua thoni ju? U dënua gjithsej tre vjet për një jetë që mori në publik. Sepse sekseri edhe kishte marrë përsipër fëlliqësinë, edhe nuk e kishte kryer dhe i kërkonte shpërblimin ndërtuesit. A ka drejtësi për qytetarët sot? Çfarë drejtësie është kjo? Kjo është drejtësia më e kalbur që ka ekzistuar. Nuk ka drejtësi këtu dhe ky është një motiv këtu. Kur nuk ka drejtësi, është një motiv shumë herë më i madh për mosbindje civile. Për qeveri teknike, zgjedhje të lira. Ndaj dhe miqtë e mi, paralajmëroj Edi Ramën se ky është buxheti i fundit që do mund të vjedhësh shqiptarët. Se po vjen dita në të cilën do japësh llogari për çdo qindarkë që u ke vjedhur shqiptarëve. Turpi i historisë do të jetë me ty. Ti me Dumanët e tu do të marrësh ndëshkimin që meriton.” – tha Berisha.
Discussion about this post