Kombëtarja shqiptare është gati për ndeshjen e parë të këtij viti. Kuqezinjtë përballen me Kilin në “Ennio Tardini” të Parmës, për herë të parë në histori kundër kombëtares latine.
Prova e parë në kuadër të Euro 2024, teksa të hënën (25) është radha e miqësores tjetër kundër Suedisë. Trajneri Sylvinho ka zgjedhur titullarët e sotëm.
Thomas Strakosha mes shtyllave, teksa qendra e mbrojtjes formohet nga kapiteni Berat Gjimshiti dhe Enea Mihaj, me 25-vjeçarin që rimerr vendin e Ismajlit. Nga krahët Mario Mitaj dhe Elseid Hysaj.
Mesfusha është e njëjta me atë të eliminatoreve. Ylber Ramadani dhe Kristjan Asllani. Disa metra më lart Nedim Bajrami. Në sulm rikthehet titullar Rey Manaj pas një kohe të gjatë.
Sulmuesi i Sivassporit do të mbështetet nga Jasir Asani dhe Taulant Seferi nga krahët.
Discussion about this post