Ish-kryeministri Sali Berisha, duke folur në tubimin poshtë banesës së tij që sot shënoi ditën e 82, tha se të gjitha pushtetet janë në duart e Edi Ramës. Kreun e qeverisë e akuzoi se “ka vendosur një aleancë të tmerrshme me krimin”, gjatë 25 viteve të tij në pushtet.
Berisha tha se pasojat e tmerrshme të drogës së Edi Ramës shihen te rënia e eksporteve dhe te çmimet e larta të apartamenteve.
Ai kujtoi dje u njoftua se eksportet nga Shqipëria në muajin shkurt ishin 16 përqind më pak se sa një muaj më parë. Kjo, shtoi, do të thotë se sektori numër 1 i punësimit në Shqipëri, që janë eksportet, detyrohet të shkurtojë 16 përqind të të punësuarve.
Berisha u shpreh se nga vendi i 41-të që e la PD Shqipërinë për treguesin e investimeve, sot ai ka zbritur me 30 vende më poshtë.
Ai tha se, në një kohë kur shkatërrohen dhjetëra mijëra vende pune, Edi Rama përdor buxhetin për të shndërruar në pasuri të tij përrallore portin e Durrësit.
Berisha premtoi se PD do kthejë Shqipërinë në rrugën e zhvillimit, në rrugën e lirisë dhe në rrugën e begatimit.
Discussion about this post