Kreu i PD, Lulzim Basha ka përkujtuar me një mesazh 11-vjetorin e liberalizimit të vizave me Bashkimi Evropian. Në një postim në Twitter, Basha shkruan se lëvizja pa viza ishte një ëndërr për të gjithë shqiptarët, duke shënuar hapin më të madh drejt integrimit në BE, që sipas tij tani ka ngecur me kryeministrin Rama në pushtet.
“Në 15 dhjetor 2010 ne demokratët përmbushëm një ëndërr për gjithë shqiptarët, lëvizjen pa viza në Europë me fluturimin e parë drejt Brukselit. Të rinj dhe të vjetër që e gëzojnë këtë privilegj prej 11 vjetësh tashmë duhet ta dinë se ai fluturim përfaqëson arritjen më të madhe, hapin më të madh përpara në rrugëtimin tonë drejt Bashkimit Europian, i cili fatkeqësisht me Ramën ka ngecur në vend numëro”, shkruan Basha.
Ndër të tjera, lideri demokrat sjell në vëmendje Kuvendin e 18 dhjetorit, ku sipas tij është dita për të lënë pas të kaluarën dhe zgjedhur të ardhmen për Shqipërinë.
Discussion about this post