Shpërthim me tritol në një banesë private në Shkodër. Policia njofton se lënda plasëse është vendosur në portën e oborrit në pronësi të 62 vjeçares, Frida Sala, në lagjen “Tom Kola”.
Për pasojë janë shkaktuar vetëm dëme materiale.
Ngjarja ka ndodhur rreth orës 03:40. Menjëherë në vendngjarje kanë shkuar forcat e policisë, të cilat vijojnë kontrollin në zonë.
Ndërkohë grupi hetimor po kryen veprimet për sqarimin e rrethanave të ngjarjes, identifikimin dhe kapjen e autorit.
Njoftimi
“Rreth orës 03:40, në lagjen ‘Tom Kola’, Shkodër, tek porta e oborrit të banesës së shtetases F. S., 62 vjeçe, është hedhur lëndë plasëse. Si pasojë janë shkaktuar vetëm dëme materiale.
Menjëherë në vendngjarje kanë shkuar forcat e Policisë të cilat vijojnë kontrollin në zonë. Ndërkohë grupi hetimor po kryen veprimet për sqarimin e rrethanave të ngjarjes, identifikimin dhe kapjen e autorit.”, thuhet në njoftimin e policisë.
Discussion about this post