Alfred Peza ka mohuar zërat se ka dhënë dorëheqjen nga detyra si Drejtori i Përgjithshëm i RTSH.
Më herët gjatë ditës, disa raportime mediatike si dhe deputetja demokrate Ina Zhupa pretenduan se Alfred Peza ishte larguar nga detyra e Drejtorit të Përgjithshëm të RTSH-së.
Në lidhje me këto raportimet ka reaguar vetë Alfred Peza për “Koha Jonë”, ku është shprehur se do të qëndrojë në detyrë deri kur t’i mbarojë mandati, në vitin 2028.
“Nuk kam dhënë dorëheqje, këtu me keni deri me 15 qershor 2028”, tha Alfred Peza.
Alfred Peza është Drejtori i Përgjithshëm i Radio Televizionit Publik Shqiptar. Ai u zgjodh unanimisht nga Këshilli Drejtues i RTSH-së në Qershor 2023 për një mandat pesëvjeçar.
Alfred Peza ka punuar si gazetar, redaktor, analist mediatik, pedagog dhe Drejtor i Përgjithshëm i disa mediave. Në periudhën 2013-2017, ka shërbyer si deputet dhe nënkryetar i Komisionit të Medias dhe Arsimit në Kuvendin e Shqipërisë.
Discussion about this post