Rama i pashqetësuar për largimin e të rinjve nga vendi: Kemi problem…

Kryeministri Edi Rama në Konferencë Kombëtare për Formimin Profesional gjatë fjalës së tij ka vendosur vëmendjen tek mënyra që sipas tij përdor tregu për të krijuar vakancat e vendeve të lira të punës.

Sipas Ramës, largimi i qindra mijëra të rinjve nga vendi për shkak të problemeve ekonomike nuk përbën shqetësim, pasi sipas tij, në Shqipëri nuk ka mungesë burimesh njerëzore,por ka mungesë kualifikimi, duke sjellë si shembull sipas tij, sektorin e turizmit i cili ende ka nevojë për kualifikim.

Nga ana tjetër Rama i ka bërë thirrje sektorit privat që të marrë përgjegjësinë për të investuar në formimin profesional të të rinjve për të pasur, sipas tij grupe kualifikimi.

Kryeministri Edi Rama në konferencën Kombëtare për Arsimin dhe Formimin Profesional tha se vendi ynë nuk ka mungesë njerëzish, por mungesë kualifikimi.

“Arsimi profesional dhe nevoja për krah të kualifikuar pune e ka bërë 2024, ka shënuar këtë dekadë si dekadën e një lufte e cila ka nisur me intensitet. Sot kushtet për të pasur një debat të hapur për arsimin profesional dhe për të krijuar një sens të përbashkët vlerësimi të domosdoshmërisë të mbështetjes së kualifikimit profesional të më të rinjve, janë shumë më të favorshme për shkak se sipërmarrja ka nisur ta ndjejë lagështirën dhe ta shohë me sytë e vet në të përditshmen e vet kundërshtinë midis ambicies, nevojës dhe mundësive për tu rritur dhe nga ana tjetër të mungesës gjithmonë edhe më alarmante të kapacitetit njerëzor, ka nisur të reflektohet në rritjen e pagave”, tha Rama.

“Tregu të mos krijojë më vende të lira pune që mund të mbetet bosh, për shkak të mungesës së aftësive për punë të caktuar. Sot jemi për një fakti shumë kokëfortë në industrinë e turizmit e cila është e re në Shqipëri në kuptimin e krijimit të një ekosistemi që po rrit me shpejtësi ambicien, mundësitë e investimeve për t’ju përgjigjur një kërkese marramendëse që vjen nga krijimi i Shqipërisë në sytë e botës si një destinacion për t’u vizituar. Nuk kemi mungesë njerëzish por mungesë kualifikimi, mungesë të rinjsh që mund ta zënë  një vend duke zotëruar aftësitë”, shtoi kryeministri.