Pasi rifilloi mbledhjen në orën 12:00 duke u mbyllur dyert qytetarëve, Këshilli Bashkiak i Himarës ose më saktë vetëm këshilltarët socialistë, ka vendosur me 16 vota pro, futjen në rendin e ditës të zgjedhjes së kryetarit të komanduar të Himarës.
Blerina Balaj është zgjedhur kryetare e komanduar e Bashkisë Himarë pas mbledhjes me tensione në Këshillin Bashkiak.
Këshilli Bashkiak i Himarës vendosi me votë që nënkryetarja Blerina Balaj të drejtojë bashkinë Himarë deri në zgjedhjet e reja.
Ajo ishte në garë me nënkryetarin e kësaj bashkie Pervin Gjikuria. Votimi në Këshillin Bashkiak vjen pas arrestimit të kryetarit në detyrë Jorgo Goro për shpërdorim detyre. Jorgo Goro me një letër nga qelia e burgut drejtuar prefektit të Qarkut dha dorëheqjen nga posti.
Gjithashtu në burg ndodhet edhe Fredi Beleri, kryebashkiaku i zgjedhur i Himarës, i dënuar me 2 vite burg pasi u kap duke blerë votat para zgjedhjeve vendore të 14 majit.
Discussion about this post