Një sherr mes 2 të rinjve ka përfunduar me përdorimin e thikës në Vlorë.
Për pasojë, një 35-vjeçar ka mbetur i plagosur. Ngjarja ka ndodhur rreth orës 17:00, në fshatin Sherishtë. I plagosur ka mbetur E. A., 35 vjeç. Autori A.B., 30 vjeç është vënë në prangat e policisë.
“Rreth orës 17:00, në fshatin Sherishtë, Vlorë, dyshohet se pas një konflikti të çastit, për motive të dobëta, në vendin e quajtur ‘Landfilli’, shtetasi A. B., 30 vjeç, ka plagosur me mjet prerës (thikë), shtetasin E. A., 35 vjeç”, njoftoi policia.
“Pas marrjes së njoftimit, shërbimet e Policisë Rrugore dhe ato të Forcës së Posaçme “Shqiponja”, të DVP Vlorë, kanë shkuar menjëherë në vendngjarje ku si rezultat i veprimeve të shpejta kanë bërë të mundur identifikimin dhe kapjen e autorit të dyshuar, shtetasit A. B., dhe shoqërimin e tij, në Komisariatin e Vlorës, për veprime të mëtejshme procedurale. Shtetasi i dëmtuar E. A. ndodhet në spitalin e Vlorës, në kujdesin e mjekëve”, shtuan të njëjtat burime.
Discussion about this post