Avokat Spartak Ngjela ka reaguar sot në lidhje me arrestimin e ish-ministrit Lefter Koka. Përse një postimi në rrjetin social Facebook ai shkruan se shumë shpejtë do të shohim edhe ministra të tjerë apo ish-ministra që do të arrestohen për korrupsion. Ndër të tjera ai thekson se më shumë nga të gjithë këtyre lëvizjeve i druhet ish-kryeministri Sali Berisha pasi është përfshirë në shumë afera korruptive.
“Filluan arrestimet e ministrave për korrupsion. U arrestua ish ministri i Partisë Socialiste, Lefter Koka. Është trembur shumë Saliu. E quan “kokë turku” Lefter Kokën, në një kohë që, denoncimin për çështjen për të cilën është akuzuar Lefter Koka, e ka bërë Partia Demokratike para shtatë muajsh. Domethënë me një denoncim të ushtruar nga Sali Berisha”, shkruan ai.
Ndër të tjera ai tha se arrestimet do të bëhen nga të dyja palët edhe të PS edhe të PD, më shumë nga zyrtarët e lartë. “Kuptohet, Saliu është në tension mendor…Ka frikë. Por, procesi do të vijojë. Janë shumë të korruptuar në qarqet e larta të politikës, në të dy krahët e saj. Goditja e tyre është shpëtimi i Shqipërisë dhe shqiptarëve. Prisni dhe shikoni: procesi filloi”, tha ai, ndërsa paralajmëroi arrestime të vrullshme.
Discussion about this post