Analisti dhe gazetari Andi Bushati, nga emisioni “Çim Peka live” deklaroi mbrëmjen e sotme se skandali me dosjen “5 D” ishte surprizë edhe për atë vetë.
Me tej, Bushati u shpreh se banda e Erion Veliajt janë hajdutë, të cilët krenohen me hajdutërinë e tyre, dhe se që nga sot, Erion Veliaj është politikisht i vdekur.
“Të shohësh një vjedhje barbare, pa u përpjekur fare për të zbuluar gjurmët, është një barbari. Deri më sot ka patur një bestytni publike, që këta djemtë e Lalit vjedhin por edhe punojnë. Këta drejtorë janë injorantë, sepse nuk dinë as të fshehin vjedhjet e tyre në sy të publikut. Një vjedhje e tillë nuk ka ndodhur kurrë më parë në Shqipëri. Ka shumë njerëz që e duan SPAK-un, por edhe më shumë duan Lalin. Tani duhet të flasim për Lalin, sepse është kapur me presh në duar. Lali ka vjedhur në mënyrën më të trashë të mundshme. Në çdo hap që kanë hedhur, ata kanë treguar që janë krenarë me hajdutërinë e tyre. Banda e Lalit janë hajdutë që krenohen me hajdutërinë e tyre. Që nga sot, Erion Veliaj është politikisht i vdekur”, tha Bushati.
Discussion about this post