Sipas ‘ANSA’, nuk ka pasur oferta për të blerë Salernitana, kështu që ‘Granata’ mund të përjashtohet nga Seria A.
Presidenti i Lazios, Claudio Lotito është njeriu që qëndron pas administratorit që zotëron zyrtarisht klubin.
Megjithatë, është e ndaluar që një person të zotërojë dy klube të ndryshme në Serinë A. Gjithashtu është e ndaluar shitja e klubit te të afërmit deri në shkallën e katërt.
Lotito-s iu desh të shiste Salernitana-n në verë, por arriti ta zhvendoste afatin deri në fund të vitit duke përfshirë administruesin e besuar.
Ai duhet të gjejë blerësit deri më 31 dhjetor, por sipas ‘ANSA’ ai nuk ka marrë ende ndonjë ofertë zyrtare, kështu që Salernitana mund të përjashtohet nga Seria A ndërsa sezoni është në vazhdim. Mbetet për t’u parë nëse do të ndodhë realisht dhe kur.
Salernitana u promovua në Serie A sezonin e kaluar për herë të parë në 22 vjet.
Skuadra e Stefano Colantuono qëndron në fund të tabelës së Serie A me tetë pikë në 17 ndeshje/K.T/Gijotina.com
Discussion about this post