Dy persona janë arrestuar nga Policia e Gjirokastrës, pasi janë kapur në flagrancë duke transportuar lëndë narkotike. Bëhet me dije se, gjatë kontrollit të ushtruar në një automjet me të cilin udhëtonin K. K., 24 vjeç dhe Z. H., 35 vjeç, banues në Gjirokastër, policia gjeti dhe sekuestroi një sasi kokaine.
Sakaq, bëhet me dije se kanë nisur hetimet edhe ndaj D. A., 24 vjeç, banues në Gjirokastër, pasi gjatë kontrollit fizik nga shërbimet e Policisë, iu gjet dhe sekuestrua një sasi e vogël kanabis. Policia bënë me dije se, materialet në ngarkim të shtetasve të mësipërm i kaluan Prokurorisë pranë Gjykatës së Shkallës së Parë Gjirokastër, për veprime të mëtejshme. Ndërsa theksojmë se vetëm në ditën e sotme ajnë bërë 5 arrestime për persona që merreshin me trafikim të lëndëve narkotike.
Discussion about this post