Kupa e Afrikës, reagon CAF: Anulimi, lajm i rremë!

Konfederata Futbollit e Afrikës (CAF) deklaroi ditën e sotme se turneu për Kupën e Afrikës 2022 do të nisë më 9 janar në Kamerun

Në një prononcim për ‘Gazzetta dello Sport’ hodhi poshtë zërat se ky turne do të anulohej për shkak të frikës nga varianti Omicron i Covid-19.

Ishte ‘RMC Sport’ që raportoi se Kupa e Afrikës mund të shtyhej, për këtë arsye i menjëhershëm ka qenë reagimi i CAF, që tha se ky është një “lajm i rremë”.

CAF theksoi se ndihet optimist për përgatitjet në Kamerun, sipas vetë CAF, ndërsa një zëdhënës tha: “Kupa e Afrikës do të luhet dhe do të luhet në Kamerun , ne nuk duhet t’i përgjigjemi asaj që është thënë në Evropë, ata mund të publikojnë të gjitha lajmet e rreme që duan, ne jemi në Kamerun dhe po përgatitemi për turneun”./K.T/Gijotina.com