Aplikacionet më të përdorura të komunikimit WhatsApp, Facebook dhe Instagram u ndërprenë përsëri për disa orë si pasojë e një problemi që sipas raportimeve erdhi nga kompania mëmë Meta.
Mijëra përdorues të aplikacioneve raportuan probleme me aksesin, teksa shumë prej tyre u drejtuan në media të tjera sociale për të transmetuar ankesat.
Ndërkohë, kompania reagoi menjëherë pas kësaj problematike duke shkruar përmes një postimi se shumica e problemeve tashmë janë zgjidhur.
Faqja në Mbretërinë e Bashkuar Downdetector, e cila monitoron performancën e faqeve të internetit, tregoi rreth 82,000 probleme me WhatsApp në orën 19:25, por një orë më vonë problemi dukej se ishte zgjidhur kryesisht.
Në mars, qindra mijëra përdorues të Facebook dhe Instagram u prekën globalisht për më shumë se dy orë, pas një ndërprerjeje që u shkaktua nga një problem teknik .
Meta ka rreth 3.19 miliardë përdorues aktivë çdo ditë në të gjithë familjen e saj të aplikacioneve, e cila përfshin gjithashtu Threads.
Discussion about this post