Një 43-vjeçar ka rënë në prangat e policisë së Himarës këtë të premte, pasi dyshohet se ka shfrytëzuar bashkëjetuesen e tij, 18 vjeçe, për prostitucion.
Uniformat blu bëjnë me dije se po procedohen në gjendje të lirë 18-vjeçarja dhe 1 shtetas tjetër i dyshuar i përfshirë në këtë veprimtari kriminale.
“Nga një hetim disajavor me metoda proaktive, i kryer nga specialistët e Seksionit për Hetimin e Krimeve të Komisariatit të Policisë Himarë, në bashkëpunim me Prokurorinë e Vlorës, u siguruan prova për një rast të veprimtarisë kriminale të prostitucionit. Në bazë të këtyre provave u finalizua operacioni policor i koduar “Case”, në kuadër të të cilit u arrestua në flagrancë shtetasi 43 vjeç, banues në Borsh, Himarë. Ky shtetas dyshohet se ka shfrytëzuar për prostitucion, bashkëjetuesen e tij 18 vjeçe“, thuhet në njoftimin e poloicisë.
“Gjithashtu, në kuadër të këtij operacioni, u referuan materialet në Prokurori, ku nisi procedimi në gjendje të lirë për 18-vjeçaren që ushtronte këtë veprimtari kriminale, kundrejt pagesës, si dhe për një shtetas tjetër të dyshuar të implikuar në këtë veprimtari kriminale. Vijon puna për identifikimin dhe nxjerrjen përpara përgjegjësisë penale, të shtetasve të tjerë të përfshirë në këtë rast”, shtuan të njëjtat burime.
Discussion about this post