Një sherr që ka degraduar në përplasje fizike ka ndodhur pak minuta më parë në qytetin e Lushnjes.
Pesë persona janë konfliktuar mes tyre për arsye ende të paqarta dhe sherri ka degjeneruar deri në përdorimin e sendeve të forta. Mësohet se si pasojë ka mbetur i plagosur njëri prej tyre i cili është nisur drejt spitalit për ndihmë mjekësore, ndërsa dy persona të përfshirë në sherr janë shoqëruar në polici për veprime të mëtejshme.
Sakaq janë shpallur në kërkim dy të tjerë. Ende nuk dihen të tjera detaje mbi rastin, Policia po punon për zbardhjen e plotë të ngjarjes.
Discussion about this post