Racizmi mbetet një nga çështjet më të diskutuara në botën e futbollit. Edhe Italia nuk ka mundur t’i shpëtojë këtij fenomeni famëkeq, edhe pse për Mario Balotellin, italianët nuk janë një popull racist. Në një intervistë të fundit, “SuperMario” shprehet se disa lojtarë e përdorin këtë temë, edhe pse në fakt ndaj tyre askush nuk është treguar racist.
“Disa lojtarë me ngjyrë e përdorin çështjen e racizmit si një justifikim për performancat e tyre. Kjo nuk më pëlqen aspak, racizmi nuk është kudo. Italianët nuk janë një popull racist, ata thjesht duan pak kohë sa të mësohen me emigrantët.
E vërteta është se ata nuk janë mësuar të shohin shumë njerëz me ngjyrë. Problemi është se në stadium gjithmonë janë lejuar disa sjellje raciste, por ju them diçka; pjesa më e madhe e atyre që tregohen racist në stadium, nuk sillen ashtu në rrugë. Ata në stadium e bëjnë thjesht për të bezdisur lojtarët, por duhet ta kuptojnë se racizimi është më shumë se një fyerje”, u shpreh Balotelli.
Discussion about this post