Barazim spektakolar 2-2 në Manchester United-Liverpool, duel që nuk zhgënjen kurrë. The Reds dominuan klasiken e Anglisë, por humbën shumë raste, duke lënë në “Old Trafford” dy pikë të rëndësishme për titullin kampion.
Pjesa e parë u mbyll 0-1 falë realizimit të Luis Diaz. Vendasit, pasi rezistuan dhe patën fat në më shumë se një rast, barazuan falë një goli shumë të bukur të kapitenit Bruno Fernandes nga mesi i fushës.
Më i bukur ishte goli i dytë i United, me 18-vjeçarin Kobbie Mainoo që realizoi një gol fantastik. Liverpooli nuk u dorëzua dhe evitoi humbjen falë penalltisë së ekzekutuar saktë nga Momo Salah.
Përfundimisht 2-2, rezultat që u shërbeu më shumë Arsenalit dhe Manchester Cityt. Gunners kryesojnë me 71 pikë, po aq numëron edhe skuadra e Jurgen Klopp, ndërkohë që Citizens renditen të tretët me 70 pikë.
Discussion about this post