Jurgen Klopp tha këtë të mërkurë se ende nuk e k vendosur nëse klubi do të nënshkruajë vetëm me lojtarë të vaksinuar kundër Covid-19 në të ardhmen, duke shtuar se statusi i vaksinimit të skuadrës së tij ishte “mjaft i mirë”.
“Kush e di se ku do të jemi kur të fillojmë të nënshkruajmë sërish me lojtarë. E gjithë puna e vaksinimit është një çështje masive e besnikërisë, solidaritetit dhe bashkimit. Ne kemi një shans për të ndihmuar jo vetëm veten, por edhe njerëzit e tjerë. Është e rëndësishme që të mbështeten masat… Statusi i vaksinimit të ekipit është mjaft i mirë. Shpresojmë ta bëjmë me gjithë ekipin.
Unë mbërrij më herët në terren se shumica e lojtarëve dhe jam testuar para se të mbërrijnë lojtarët. Kur është negativ, ne lejohemi të hyjmë. Ne jemi si e gjithë bota, të shqetësuar për këtë dhe bëjmë atë që mundemi”, u tha Klopp gazetarëve.
Ai gjithashtu konfirmoi se mbrojtësi Joe Gomez nuk do të largohet nga ekipi në formë huazimi pas dëmtimit.
“Ne jemi të duruar dhe Joe është i duruar. Unë nuk kam asnjë plan të jap dikë në huazim në dimër. Atij i duhet ende kohë për t’u stërvitur për të arritur atje ku ishte më parë”, tha Klopp.
Discussion about this post