Është liruar nga detyra, drejtori i Cirkut Kombëtar, Ilirjan Gjini. Vendimi është marrë në mbledhjen e sotme të Këshillit të ministrave dhe është firmosur nga zv/kryeministri Arben Ahmetaj.
“Në mbështetje të pikës 2, të nenit 100, të Kushtetutës, dhe të pikës 4, të nenit 9, të ligjit nr.10352, datë 18.11.2010, “Për artin dhe kulturën”, të ndryshuar, me propozimin e ministrit të Kulturës, Këshilli i Ministrave. V E N D O S I: Ilirjan Gjini, drejtor i Cirkut Kombëtar, lirohet nga kjo detyrë. Ky vendim hyn në fuqi menjëherë”, thuhet në njoftim .
Vetëm pak kohë më parë, janë referuar disa shkelje nga ana e punonjësve të institucioneve të sipërcituara, në kundërshtim me procedurën administrative të caktuar për mbrojtjen e interesave të tyre ligjore në kuadër të një procesi gjyqësor.
Gjithashtu, artistët kërkojnë një hetim më të thellë mbi mënyrën e menaxhimit të veprimtarisë së Cirkut Kombëtar nga ana e titullarit të këtij institucioni. Në këtë kuadër KLSH vendosi të nisin hetimet. Disa ditë më parë, përmbarimi ka shkuar për të ekzekutuar vendimin për sekuestrimin e tokës ku është ngritur çadra e Cirkut Kombëtar, por artistët e kanë kundërshtuar këtë vendim, pasi sipas tyre nëse iu merret kjo pjesë (rreth 400 metra katrorë) gjithë vendi tjetër është jofunksional.
Discussion about this post