Irani ka paralajmëruar SHBA-në se do të godasë bazat e saj ushtarake në rajon nëse ajo ndërmerr një sulm hakmarrës për Izraelin. Këtë njoftim Irani ia ka dërguar SHBA-së përmes Zvicrës.
Pjesë e paralajmërimit ishte edhe Izraeli, ku Teherani zyrtar tha se do ketë sulme më të mëdha nëse ata vijojnë të godasin objektet dhe qytetarët iranian.
Gjithashtu pas sulmeve me dronë parlamenti iranian ka thirrur në kor “vdekje Izraelit”.
“Përgjigja jonë do të jetë shumë më e madhe se aksioni ushtarak i sonte nëse Izraeli hakmerret kundër Iranit.Teherani e paralajmëroi Uashingtonin nëpërmjet Zvicrës se çdo mbështetje e hakmarrjes izraelite kundër Iranit do të synonte goditjen e bazave rajonale të SHBA,” i tha televizionit shtetëror shefi i shtabit të forcave të armatosura, gjeneral Major Mohammad Bagheri.
Duke iu drejtuar televizionit shtetëror iranian, edhe komandanti i Korpusit të Gardës Revolucionare Islamike, gjeneral-major Hossein Salami, tha se “Teherani kishte hyrë në një ekuacion të ri në të cilin çdo sulm izraelit ndaj interesave, aseteve, zyrtarëve ose qytetarëve të tij do të sillte sjellje reciproke nga territori i tij”.
Irani lëshoi drone dhe raketa kundër Izraelit natën e 13 prillit, një sulm hakmarrës kundër bombardimeve të Izraelit ndaj konsullatës së tij në kryeqytetin e Sirisë më 1 prill që vrau shtatë anëtarë të Korpusit të Gardës Revolucionare Islamike.
Forcat izraelite dhe aleate rrëzuan “shumicën dërrmuese” të qindra dronëve dhe raketave të lëshuara nga Irani.
Discussion about this post