Trajneri i PSG-së, Luis Enrique shprehu besimin e tij përpara ndeshjes së dytë çerekfinale të Champions League kundër Barcelonës, pavarësisht humbjes në ndeshjen e parë (2-3).
“Nuk pati ndeshje, kishim kohën e nevojshme për të analizuar dhe për të parë se çfarë gabuam dhe çfarë duhej të përmirësonim (humbja 2-3 në ndeshjen e parë). Mendimi im i parë është që ndeshja ishte shumë e luftuar, mendoj se rezultati nuk pasqyronte saktësisht atë që meritonim. Ne do të ngrihemi lart dhe do të paraqesim një version më të mirë. Jemi të bindur se do ta kthejmë situatën. Do të jetë një ndeshje e komplikuar për të dyja skuadrat, ne kemi nevojën dhe objektivin për t’u kualifikuar”, tha ai.
A duhet të marrim të gjitha rreziqet pas humbjes së ndeshjes së parë?
“Pas 27 ndeshjeve pa humbje, e patëm një në ditën që na duhej më pak. Më pas duhet të ngrihemi dhe të përmirësojmë lojën tonë Ne jemi gati të bëjmë një paraqitje të mirë, nuk kam dyshim se do të luajmë mirë nesër (e martë)”.
Sa përfituat duke mos luajtur këtë fundjavë?
”Ne luajtëm një javë më parë dhe ata jo, unë përshtatem me atë që vjen. Por ishte perfekte për t’u përgatitur për ndeshjen. Dy ditët pas ndeshjes ishin të vështira, ne luftuam për të rifituar formën tonë fizike dhe morale. Por e mira e futbollit është se na ofron një ndeshje tjetër gjashtë ditë më vonë. Ne e dimë se çfarë duam të bëjmë. Ne kishim kohë për të përgatitur strategjinë tonë më të mirë. Ne jemi gati ”
Çfarë lloj takimi prisni?
“Ndeshja do të ketë të njëjtat ngjashmëri si në ndeshjen e parë, do të presim lart. Ter Stegen do të luajë gjatë për Lewandowskin, ai e ka bërë 24 herë që është një rekord. Do të ketë gola. Shpresoj që të jetë një ndeshje spektakolare për tifozët, por më pak për trajnerët”.
Discussion about this post