Dy burra, 44 dhe 59 vjeç, janë arrestuar nga policia e Elbasanit pasi akuzohen se kanë kryer marrëdhënie intime një të ri me aftësi të kufizuara.
Ka qenë e ëma e 31-vjeçarit, ajo e cila ka bërë kallëzim në komisariatin e qytetit një ditë më parë. Ajo ka deklaruar se dy burra kishin kryer marrëdhënie intime me djalin e saj të sëmurë.
“Në ambientet e Policisë është paraqitur një shtetase 60-vjeçe bashkë me djalin e saj 31 vjeç, e cila ka kallëzuar se shtetasit B.J. dhe R.B., më datë 4 Prill 2024, kanë kryer marrëdhënie seksuale me djalin e saj 31-vjeç, me aftësi të kufizuara”, njoftoi këtë të martë policia lokale.
Pas dëshmisë së 60-vjeçares, blutë ndaluan dy personat e kallëzuar.
“Specialistët për Hetimin e Krimeve të Komisariatit të Policisë Elbasan ndaluan me iniciativë shtetasit B.J., 44 vjeç, banues në Elbasan dhe R.B., 59 vjeç, banues në fshatin Mengël”, tha policia në një njoftim për rastin, pa dhënë të tjera detaje.
Ndërkaq, burime policore thanë se dy të arrestuarit i kanë mohuar akuzat. Hetimet për çështjen pritet të përshijnë dhe ekzaminime në Spitalin e Elbasanit për të kuptuar nëse kemi të bëjmë me një abuzim.
Discussion about this post