Shkodër – Ishte kallëzuar i zhdukur, 49-vjeçari gjendet i pajetë

Një 49-vjeçar i cili ishte kallëzuar i zhdukur nga familjarë tre ditë më parë në policinë e Shkodrës, është gjetur i pajetë në Bunë.

“Rreth orës 11:25, në ujërat e lumit Buna, në afërsi të fshatit Pentar, është gjetur nga familjarët, trupi i pajetë i shtetasit Sh. K., 49 vjeç”, njoftoi policia.

Nga këqyrja paraprake e trupit nuk janë konstatuar shenja dhune.

Më 13 Prill, shtuan të njëjtat burime, G.K., vëllai i personit që u gjet i pajetë ka kallëzuar në Polici se 49-vjeçari ishte larguar nga banesa.

Një hetim ka nisur për sqarimin e rrethanave të rastit dhe për përcaktimin e shkakut të humbjes së jetës.