Ish-lojtari i Kombëtares shqiptare, Armando Sadiku ka shënuar sërish për Las Palmas, këtë herë një gol shumë të bukur.
Sulmuesi është kthyer në protagonist të skuadrës së tij për disa minuta në ndeshjen e Kupës së Mbretit.
Goli i Sadikut e kaloi në avantazh ekipin e Las Palmas ndaj Valladolid në minutën e 22-të, duke shënuar si një lojtar i madh me shumë gjakftohtësi. Megjithatë goli i shqiptarit nuk mundi ta ndihmonte ekipin e tij që më pas pësoi 3 gola dhe u eliminua që në fazën e 1/32 të Kupës.
Rikujtojmë që ky është goli i dytë i Armando Sadikut për Las Palmas, ndërsa herën e parë shënoi kundër Velez./K.T/Gijotina.com
Discussion about this post