Sizmiologu grek, Efthymios Lekkas ka raportuar që një tërmet i fuqishëm rrezikon të godas Stambollin.
Sipas tij pllaka tektonike e Anadollit ka një pjesë çarje të fundit e cila duhet të ishte thyer në vitin 2020, dhe një ngjarje e tillë pasohet me lëkundje dhe që autoritet turke kanë kohë që e presin.
“Komuniteti shkencor ndërkombëtar ka vënë në dukje se një tërmet duhet të ndodhë menjëherë në Stamboll. Brenda pesë viteve të ardhshme kjo do të çonte në çlirimin e energjisë dhe uljen e tensioneve nëntokëse“, tha ai për ERT
“Pllaka e Anadollit përbëhet nga 13 pjesë, 13 segmente. 12 nga ato janë thyer. Pjesa e fundit që është thyer, pra shkaktoi një tërmet të madh, ishte viti 1999 në Nikomedia (Izmit, periferia e Stambollit). Pjesa e fundit që nuk ka lëvizur që nga viti 1911 e deri më tani, është ajo që ndodhet në jug të Stambollit, në hapësirën nën ujore. Grupet shkencore ndërkombëtare kishin llogaritur se duhet të ishte thyer deri në vitin 2020, kur edhe pritej lëkundja sizmike. Sa më shumë të vonohet, energjia dhe tensionet mes pllakave rriten dhe mund të ndodhë një tërmet më i madh“, shtoi ai.
Në çdo rast, nënvizon ai, “në pesë vitet e ardhshme duhet të ketë një tërmet të madh sepse me kalimin e kohës tërmeti nga 7.8 bëhet më i madh dhe shkon në 8, shkon në 8.2. Kështu që, do të ketë edhe dëme e humbje të mëdha“, tha Lekkas.
Discussion about this post