Bayerni i Mynihut ruan traditën, fiton 1-0 përballë Arsenalit në “Allianz Arena” me me rezultat të përgjithshëm 3-2 kualifikohet në gjysmëfinale të Champions League. Në një takim plot tension në Mynih vendosi qetësia e një lojtari me shumë përvojë si Joshua Kimmich, i cili përfitoi nga përgjumja e mbrojtjes së Arsenalit për të dërguar topin në rrjetë në pjesën e dytë.
Skuadra e Mikel Artetës provoi gjithçka për ta çarë mbrojtjen vendëse në minutat e fundit të sfidës, por pa rezultat.
Edhe një herë konfirmohet dominimi historik i Bayernit në përballjet me Arsenalin në Champions League.
City – Real
Reali i Madridit triumfon 4-3 në ruletën e penalltive përballë Manchester City-t dhe kualifikohet në gjysmëfinale të Championsit, ku e pret Bayerni i Mynihut.
Lojën e nervave për më shumë se 120 minuta lojë e fituan “Los Blancos” të cilët shënuan të parët me Rodrygon dhe ditën të rezistonin edhe pas golit të barazimit të City-t të shënuar nga De Bruyne.
Në lotarinë e 11-metërshave gaboi fillimisht një legjendë si Modric, por City nuk e shfrytëzoi epërsinë psikologjike pas serisë së parë, pasi dështuan njëri pas tjetrin dy lojtarë me shumë përvojë si Bernardo Silva dhe Kovacic.
Në fund festa për rekordmenët e Championsit, që në gjysmëfinale do të përballen me një tjetër emër të madh (Bayernin e Mynihut).
Discussion about this post