Shqipëria ka dalë nga listave e vendeve në monitorim nga Këshilli i Europës, pas 29 viteve. Ky vendim u mbështet nga 52 vota pro në Asamblen parlamentare të Këshillit të Europës ditën e djshme.
Pavarësisht se Shqipëria është anëtarësuar në Këshillin e Evropës në vitin 1995, vit pas viti ka qenë nën monitorim në përmbushjen e detyrimeve dhe angazhimeve, në respekt të rregullave të aderimit.
Më herët, në një intervistë për “Real Story”, ambasadori i Shqipërisë në KiE, Dastid Koreshi, ambasador i Shqipërisë në KiE, tha se këshilli ka vlerësuar reformën në drejtësi dhe daljen nga Moneyval.
I pyetur se si mund të ndikojë ky vendim në procesin e integrimit, ambasadori u shpreh:
“Janë të lidhura së bashku, KiE ka një rëndësi më të madhe për Ballkanin Perëndimor se BE. Rreth 70 për qind të gjetjeve të KiE pasqyrohen në raportin e Komisionit Evropian dhe do të thotë se duhet të jemi të angazhuar. Indirekt çdo vlerësim i KiE reflektohet edhe në rrugëtimin në BE.”
Discussion about this post