Nezir Mehmetaj do të vijojë të qëndrojë në paraburgimin e Beogradit. Gjykata e Lartë e Serbisë vendosi që të lërë në fuqi masën duke refuzuar ndryshimin e saj.
Prej janarit të 2020 ish-anëtari i UÇK-së mbahet në paraburgim nga Beogradi pasi u arrestua për krime lufte.
Mehmetaj akuzohet për pjesëmarrje në vrasjen e shtatë njerëzve dhe djegien dhe plaçkitjen e shtëpive në fshatin Rudicë në komunën e Klinës, si anëtar i Ushtrisë Çlirimtare të Kosovës.
Ndërkohë Mehmetaj i hodhi poshtë akuzat duke deklaruar para Gjykatës se ishte larguar nga Rudica e Kosovës në maj të 1999 dhe më pas gjithë jetën e kaloi në Zvicër.
