Basha kallëzon Lindita Nikollën për shpërdorim detyre

Partia Demokratike zyrtare e drejtuar nga Lulzim Basha kallëzon në SPAK kryetaren e Kuvendit, Lindita Nikolla, për shpërdorim detyre.

Në kallëzim, Nikolla akuzohet se ka shpërdoruar detyrën në disa raste duke mos njohur shkresat e depozituara nga PD zyrtare.

Sipas dokumentacionit që është dorëzuar në Prokurori, kryeparlamentarja është njohur me kërkesa të njëpasnjëshme nga kjo parti, si zëvendësim të kryetarit të grupit, të përbërjes së grupit, këshilltarëve të grupit, etj, por i ka injoruar këto vendime.