U nis të vriste me armë gjahu fqinjin, parandalohet krimi në Fier

Një ngjarje e mundshme kriminale është parandaluar në Fier, ku policia ka arrestuar 55-vjeçar pas një sherri me fqinjin.

Mësohet se, në pranga ka rënë Bujaq Hajdini, pasi për shkak të një konflikti për motive të dobëta, ka goditur me mjet të fortë shtetasin V. H., i cili ka marrë armën e gjahut dhe është nisur për në banesën e Hajdinit por ndërhyrja e patrullës së Policisë ka bërë të mundur parandalimin e ngjarjes dhe arrestimin e V. H bashkë me armën e gjahut.

Në pranga ka rënë Bujaq Hajdini për veprën penale “Plagosje e rëndë me dashje” ndërsa u procedua penalisht për veprat penale “Plagosje e lehtë me dashje” dhe “Kanosje”  V. H., 60 vjeç, banues në Roskovec (i cili ndodhet në spital nën kujdesin e mjekëve).

Materialet procedurale i kaluan Prokurorisë pranë Gjykatës së Shkallës së Parë Fier për veprime të mëtejshme.