Kryetari i Partisë së Lirisë, Ilir Meta thotë se nepotizmi nuk duhet të jetë në partitë politike.
Ndryshe nga Monika Kryemadhi, e cila tha se “nepotizmi nuk është fatkeqësi”, Meta u shpreh se partitë politike nuk duhen të jenë si instrumente biznesi për familje të caktuara.
“Përshëndes fjalimin e Monikës, përveç asaj fjalës që bie në kundërshitim me kodin e etikës.
Tani mendoj se është mbledhje e rëndësishme, ka shqetësim për rendin e ditës, por po jepet 10 ditë para. Ne mund të mblidhemi edhe në 4 të mëngjesit. Shikoj një mos kuptim të qartë çështje nepoitizmi. Më duhet t’i ndihmoj ata që s’janë të qartë. Partitë politike nuk duhen bërë instrumenta biznesi për familje të caktuara, përfshirë familjen e Ilir Metës dhe familjet e tjera.
Ka 100 anëtarë LRI, sot nuk janë as 40. Ka më shumë këshilltarë se anëtarë, kjo është si pasojë e nepotizmit. Kemi një bashkëpunim të shkëlqyer me institutin amerikan. Kemi një model shumë të qartë. Për herë të parë Ilir Meta që e beri ministër e mori në telefon i thatë falënderoj që ke qenë në mbledhje te komitetit, edhe nesër dua të jesh prezente. Kishte një përpjekje për të sabotuar forumin.
Nepotizmi e bëri atë që kur të më dali përpara të skuqet. A mundet një njeri që si kish vajt mendja kurrë që do bëhej ministër, mos të kthente një përgjigje dhe të shpikte një gënjeshtër. Ja nepotizmi. Ka përzënë gjysmën e atyre që votuan në 2017.
Ai nuk ishte vendim, ishte krim djegia e mandateve. Të gjithë kanë përgjegjësi përveç Erisa Xhixhos. Kjo nuk është lojë, Ilir Meta nuk ka bërë lojë me kushtetutën dhe me interesin kombëtar”, u shpreh Meta.
Ai u shpreh i bindur se në kryesinë e Partisë së Lirisë nuk do të ketë dy njerëz nga e njëjta familje. Sipas tij, do jetë vota që do të vendose kush do të qëndrojë, ai apo Kryemadhi.
“Në 27 prill ekzekutojmë nepotizmin, jo njerëzit, askënd. Askush s’ka të drejtë të bëjë viktimën. Ne ekzekutojmë fenomenin. Ne këtu kemi shumë raste të nepotizmit në Lezhë zoti Viktor që të thashë 10 herë”, tha Meta.
“Para statutit janë të barabartë të gjithë, edhe Ilir Meta. Nuk mund të ketë dy njerëz në një kryesi nga një familje. Kjo nuk do të thotë se u dashka të ikë Monika, mund të ikë Ilir Meta. Kjo zgjidhet me votim”, tha kreu i PL.
Discussion about this post