Meta: Veliaj po bën hatanë me taksat e qytetarëve

Kreu i Partisë së Lirisë, Ilir Meta foli për gjendjen në kryeqytet gjatë një takimi me strukturat këtë të shtunë.

Duke iu referuar kryebashkiakut Erion Veliaj, Meta tha se “Lali 5D bën hatanë me taksat e qytetarëve”, në një kohë kur “e ka lënë Tiranën pa shkolla e kopshte publike”.

“Dhe torturohen nënat si u vonova dhe unë për shkak të trafikut se kudo asgjësohen hapësirat dhe ndërtohen kulla e pallate në zonat ku mund të ndërtohen shkolla e kopshte. Se e ka mendjen për ti hequr taksa nga arsimi dhe për ti çuar te inceneratori”, shtoi Meta, i cili solli në vëmendje edhe deklaratat e ish-numrit dy të qeverisë Arben Ahmetaj për kreun e bashkisë Tiranë. Në një interviste televizive disa javë më parë, Ahmetaj cili e cilësoi Veliajn “pronarin faktik” të inceneratorit të Tiranës.