Partizani dhe Dinamo përballen në “Arenën e Demave” duke filluar nga ora 18:00, në kuadër të javës së 33-të të Superiores.
Ky i sotmi ndaj Dinamos është ndoshta derbi më i rëndësishmi që Partizani ka luajtur kundër bluve në vitet e fundit.
Të kuqtë e kanë veten në siklet me krizën e rezultateve në ndeshjet e fundit dhe kundër Dinamos u vlen vetëm fitorja, pasi edhe barazimi mund t’i nxjerrë nga gara për vendin e dytë.
“Demat” kërkojnë të blindojnë qëndrimin në katërshe fillimisht, por fitorja nga ana tjetër do t’i mbante ende në lojë për të arritur Vllazninë.
Me pak fjalë, me një fitore Partizani mbrohet dhe sulmon në të njëjtën kohë. Nga ana tjetër, Dinamos i duhet triumfi për të ngulur rrënjët në katërshe dhe për t’u larguar nga Tirana, e cila sot është zgjuar e katërta pas fitores me Erzenin.
FORMACIONET ZYRTARE:
PARTIZANI: Qirko, Atanaskoski, Sembene, Sota, Murataj, Maget, Taipi, Rrapaj, Cara, Mba, Bintsuka. Trajner: O.Shehi
DINAMO: Sali, Marku, Hoxha, Behiraçe, Lorran, Gudiabi, Smaçi, Vila, Denison, Zabërgja, Kacorri. Trajner: D.Mehmeti.
Discussion about this post